Хилэнц ордныхны хувьд энэ долоо хоног бол дотоод шийдвэрүүд аажмаар гаднаа ил гарч эхлэх үе. Сүүлийн үед та дотроо их юм бодсон, олон зүйлийг тэвчсэн, бас заримыг нь дуугүй өнгөрөөсөн байх. Одоо харин “ингээд л байж болохгүй юм байна” гэсэн бодол аяндаа хүчтэй болж эхэлнэ.

Энэ бол огцом хөдөлж, шууд тас шийдэх долоо хоног биш. Харин аль замаар цааш явах вэ гэдгээ дотроо нэг мөр болгох цаг. Та угаасаа худлаа юмтай эвлэрдэггүй хүн. Тиймээс энэ долоо хоногт өөрийгөө хуурч, зүгээр л өнгөрөөх гэж оролдох хэрэггүй.

Ажлын тал дээр та шууд довтлох биш, хэн юу бодож байгааг, ямар ашиг сонирхол явж байгааг ажиглаж эхэлнэ. Энэ чинь Хэлэнцийн хамгийн том давуу тал. Яаралгүй байвал удахгүй танд илүү ашигтай байрлал өөрөө бүрдэнэ.

Санхүүгийн хувьд гэнэтийн аз, том ашиг гэхээсээ илүү цэгцлэх, хаах, дуусгах энерги давамгайлна. Өмнө нь эхлүүлсэн санхүүгийн асуудал, төлбөр, тохиролцоонуудыг нэг мөр болгоход тохиромжтой. “Дараа харъя” гэж хойшлуулсан зүйлсээ шийдчихвэл сэтгэл чинь ч хөнгөрнө.

Харилцааны тал дээр хуурамч юм тэвчихгүй. Хосуудын хувьд үнэн яриа зайлшгүй хэрэгтэй болно. Тэр яриа амархан биш байж магадгүй ч дараа нь харилцааг илүү бат бөх болгоно. Ганц бие Хилэнцүүдийн хувьд гэнэт таталцах, гүн мэдрэмж төрөх магадлал өндөр.

Эрүүл мэндийн хувьд сэтгэл зүйн дарамт хуримтлагдсан бол биеэр мэдрэгдэх хандлагатай. Нойр, хүзүү, нуруундаа анхаараарай. Бүхнийг дотроо хадгалахын оронд гаргах, суллах хэлбэр олоорой — алхах, усанд орох, бичих ч байж болно.